Qadınların iş dünyası

Adi : Qadınların iş dünyası
Hekaye: Biz qadınlar qəlbimizin dərinliyində nə qədər güclü
olduğumuzu gözəl bilirik. Qalır bircə özümüzdə
həmin gücü toplayıb , düzgün istiqamətə
yönəltmək . ..
Hamıdan seçiləcək qədər cəsarətli ol
Ta bələkdən bizə aşılamağa çalışırlar ki , hamıdan
seçilmək və fərqli olmaq yaxşı bir şey deyil.
Bunları ağlından çıxar və cəsarətini topla . Hər
zaman arzuladığın və düzgün hesab etdiyin
ideyanın ardınca getməkdən çəkinmə. Bu vaxta
qədər heç kimin etmədiyi bir işi reallaşdırmaqla
gələcəkdə çox böyük uğura imza ata bilərsən .
Qadınlar çox yaradıcı təxəyyülə malikdir , üstəlik,
həyata fərqli baxışın olması insanı irəliləməyə
sürükləyir .
Fürsəti göydə qamarla
Müşahidəçi olmağı bacarmaq lazımdır . Yeni bir iş
quran zaman maliyyə dəstəyi və cəsarətin olması
da uğura aparan yoldur . Sadəcə olaraq kiçik
sahibkarlar üçün kredit verən banklar ,
sponsorların ola bilmə ehtimalını , hətta borc
almağı belə göz önünə almaq və bu barədə yaxşı
düşünmək lazımdır . Əmin ola bilərsən ki , bu,
ayaqqabı seçməkdən daha az vaxt alacaq.
Detalları dəqiqləşdir
İşə necə başlayacağını , kiminlə danışacağını,
tədarüklər, müsbət və mənfi nəticələr barədə
düşün və qəti qərar ver. Qarşına konkret məqsəd
qoyub, ona gedən yolu ağlında dəqiqləşdirməsən ,
sonda hər şeyi yarıda buraxmalı olarsan . Edəcəyin
işi ilk növbədə təsəvvüründə canlandırmaq və
özünə yaraşdırmaqla işin yarısını görmüş olursan .
Biz qadınlar həyat boyu dediyimiz hər kəlmənin
baha başa gələcəyindən ehtiyatlanaraq işimizi
qurmağı bacarırıq. İşdə də bu bacarıqlar xüsusi
köməyimizə gəlir .
Vaxt itirmə
Lazım olanda ( məsələn , çoxdan bəri gözlədiyiniz
endirim başlayıbsa ) tez- bazar yığışıb evdən çıxa
bilirik. İş həyatında da bu bacarıqlardan istifadə
etmək lazım gələcək . Zaman çox bahalıdır , onu
əldən vermək olmaz. Bir şeyi də unutmayın ki ,
qıraq - bucaqda sizin düşündüyünüzü eynilə
planlaşdıran və yerinə yetirməyə hazırlaşan
milyonlıarla insan var . Sürətlə hərəkət etmək və
bir işi daha tez görə bilmək sizi xeyli qabağa sala
bilər .
Kişi kimi davranmağa ehtiyac yoxdur
Gecə -gündüz yorulmadan çalışır , bununla
bərabər , kişi yoldaşının daha böyük uğura imza
atdığının şahidi olursunuz ? Dərhal özünüzü bu
bəd fikirlərdəm uzaqlaşdırırsınız . Qadınlar
intuisiyasına inanaraq daha yaxşı biznes əlaqələr
qurur və gələcəyi daha öncədən görə bilirlər.
Ehtiyacında olduğumuz güc bizdə onsuz da var .
Biz şablonlar üzərində yerimirik , öz yolumuzu
müəyyənləşdiririk .
Hədəflərini müəyyənləşdir
Qadınlar bir şeyə can atan zaman əziyyət
çəkməyi və onun üzərində baş sındırmağı yaxşı
bacarır. İnanmırsınız ? Universitet vaxtı
imtahanlara hazırlaşmaq sürətinizi yadınıza salın .
Təsəvvür edin ki , indi də həyatınızın ən vacib
imtahanına hazırlaşmalısınız . Həftəlik , aylıq , illik
planınızı hazırlayın. Məqsədinizə aparan yolda
eniş -yoxuşları da yaxşı düşünün ki , sonra
xəyallarınız puç olmasın .
Fikirlərə qulaq as
Fikirlərimizə təsir edən amillər müxtəlif ola bilər :
vərdişlər , ətraf -mühit , keçmişdən nəticə çıxarıb
yeni işlər görmək istəyi, çərçivələri aşmaq arzusu
və s . Fikrimizi cəmləmək və hadisəyə fərqli
tərəfdən baxmaq üçün qıraqdan hasnı
münasibətin göstəriləcəyini anlamağa ehtiyacımız
var . İşə başlamazdan öncə dostlarınızı bir araya
yığın və məsələni onlarla müzakirə edin . Bundan
əlavə, qurmaq istədiyimiz biznesdə alıcı ola
biləcək insanların fikrini də bilmək maraqlı olardı .
Qadınlar müxtəlif sahələrdə çatışmazlığı daha tez
görür və əksər hallarda da ondan əziyyət çəkirlər .
Əgər bazarda dünyaca məşhur markanın mallarına
rast gəlmirsinizsə, hirslənmək əvəzinə , maliyyə
yatırıb, açmanız daha düzgün olmazdımı ? Odur ki ,
cəsarətinizi toplayın və iş başına keçin.
Geyin -keçim
Özünü doğru ifadə edə bilmək üçün geyimin də
səninlə bir bütünlük təşkil etməlidir. Düzgün
geyim seçimi böyük yardımçınız ola bilər . Söhbət
vacib iş görüşməsindən gedirsə, klassik tərz hər
zaman arzu olunandır. Məsələn, ağ rəng
qarşınızdakı insana güvən hissi verir . Uzun qollu,
belə oturan köynək geyinməklə müsbət təəssürat
yaratmış olacaqsınız . Tünd rəngli pencək -şalvar
və ya pencək -ətək kimi dəstlər heç vaxt dəbdən
düşmüş sayılmır. Tünd qəhvəyi , göy, boz rəngli
dəstlər geyinə bilərsiniz. Ayaqqabı da geyimə
uyğun və qapalı olmalıdır . Bər- bəzəkli baletlər,
çox hündürdaban ayaqqabılar və barmaqarası
sandallardan uzaq dursanız yaxşıdır . Aksessuar
seçimində sadəlikdən yana olmaq lazımdır .
Həyatımız , gələcəyimiz və karyeramız üçün bir
çox planlar qururuq . Bu planları reallaşdırmaq
üçün özümüzü zamanın axınına buraxmamalıyıq .
Əslində enerjimizdən kifayət qədər istifadə etmək
daha ağıllı seçim olar .